12.10.2019

Тошкент шаҳрида машғулот олиб бораётган “Қўқон-1912” футболчилари бугун навбатдаги назорат учрашувини ўтказишди. Азиз Тўхтабоев шогирдларига Термизнинг “Сурхон” жамоаси футболчилари рақиб бўлишди.

“Тўқимачи” стадионида бўлиб ўтган учрашув гарчи ўртоқлик ўйини мақомида бўлса ҳам шиддатли курашларга бой тарзда бўлиб ўтди. Ҳар икки жамоа мураббийлари таркибдаги кўплаб футболчиларга ўйнаш имконини беришди.
Ўйиннинг биринчи бўлимида Жамшид Хасанов рақиб дарвозасига гол киритиб жамоамизни ҳисобда олдинга олиб чиққан бўлса, 2-таймни фаол бошлаган Термизлик футболчилар Шохназар Норбековнинг голи эвазига ҳисобни тенглаштиришди. Шундан сўнг ҳар икки жамоа футболчилари кўплаб голли вазиятларни яратишди. Бироқ гол киритиш “шунқорлар”га насиб қилди. Қўқонликларнинг ёш ҳужумчиси Хамидилло Абдухамидов юзага келган имкониятдан фойдаланиб жамоамизга ғалабани тақдим қилган голни киритди.

Назорат учрашуви . Тошкент “Тўқимачи” стадиони

“Қўқон-1912” – “Сурхон” 2-1
Голлар: Жамшид Хасанов, Хамидилло Абдуҳамидов – Шохназар Норбеков.