24.10.2020

Coca Cola суперлигасининг сўнгги учта турида ғалаба қозониб ўз мухлисларига олам-олам завқ улашган “Қўқон-1912” жамоаси аъзолари навбатдаги тур учршавини ўз майдонларида ўтказадилар.
21-тур доирасидан ўрин олган “Қўқон-1912” – АГМК жамоалари ўртасидаги баҳс 26 октябрь куни Қўқондаги “Марказий” стадионида бўлиб ўтади.
Бахтиёр Ашурматов шогирдлари бугундан Қўқон шаҳрида мазкур ўйинга тайёргарликни бошлаб юборишди. “Шунқорлар” таркибидаги барча футболчилар соғ-саломат , юқори кайфиятда навбатдаги ўйинга тайёргарлик кўришмоқда.
“Қўқон-1912” – АГМК учрашуви 26 октябрь , душанба куни , соат 15-00да бошланади.
Мазкур учрашувга 1000 нафар мухлис киритилади. Эртадан “Марказий” стадиони кассаларида мазкур ўйинга чиқарилган чипталар сотуви бошланади.