25.01.2021
Аввал хабар бериб ўтганимиздек, шу кунларда Фарғонада катта футбол байрами давом этмоқда. Бугун “Вилоят ҳокими кубоги-2021” халқаро турнирининг навбатдаги ўйинлари ўтказилди. Мусобақанинг учинчи кунида ҳам мухлислар бир-биридан қизиқарли кечган баҳсларнинг гувоҳи бўлишди.
БИРИНЧИ ҒАЛАБАЛАР
Бугунги учрашувларда деярли бир-бирига мос бўлган жамоалар майдонда ҳаракат қилишди. “А” гуруҳи 2-тур доирасидаги биринчи учрашув Киргулидаги “Нефтчи” спорт мажмуасида бўлиб ўтди. Унда Уйчи туманининг “Пахтакор-79” жамоаси “Андижон-2” клубига қарши майдонга тушди. Рақиблари дарвозасини икки марта аниқ нишонга олган уйчиликлар турнирдаги биринчи ғалабаларини қўлга киритишди.
“В” гуруҳининг 2-туридан ўрин олган дастлабки баҳсида – “Навбаҳор-2” ва “Уз Тонг Хонг Ко” клублари тўқнаш келишди. Беллашувда бироз устунликка эга бўлган наманганликлар рақибларини доғда қолдиришди ва дастлабки уч очко эгасига айланишди.
“НЕФТЧИ”ДАН ЯНА ЙИРИК ҒАЛАБА
Мусобақанинг амалдаги ғолиби – “Нефтчи” жамоаси ўзининг ғалабали юришини давом эттирмоқда. Илҳом Мўминжонов шогирдлари 2-турда Қирғизистоннинг “Нур Баткен” клубига қарши майдонга тушишди. Учрашувнинг биринчи бўлимида ҳисоб очилмади. Иккинчи тайм бошида эса “Нефтчи” футболчилари пенальти тепиш ҳуқуқига эга бўлишди. Белгиланган ўн бир мертли жарима тўпни Шерзод Каримов аниқ амалга ошириб, ҳисобни очди. Орадан ҳеч қанча вақт ўтмай, Отабек Зокиров рақиб дарвозасига иккинчи тўпни киритди. 65-дақиқада Абдул Азиз Юсупов кучли зарба билан рақиб посбони ожиз қолдириб, ҳисобни йирик кўринишига олиб келди.
“ИСТИҚЛОЛ” ГУРУҲ ПЕШҚАДАМИ
Фарғонанинг “Истиқлол” жамоаси иккинчи турда ҳам ғалаба қозониб, “В” гуруҳининг пешқадамига айланди. Анвар Бердиев шогирдлари Суперлига дебютанти – “Турон”га қарши кечган баҳсда ишончли ғалабани қўлга киритишди. Биринчи бўлимда Анвар Ҳожимирзаев ҳисобни очган бўлса, иккинчи таймда Абдухолиқ Қурбонов пенальтини аниқ амалга ошириб, ғалабани мустаҳкамлади. Шу тариқа, “Истиқлол” муҳим учрашувда ғалаба қозониб, очколари сонини олтитага етказди.
🏆”ВИЛОЯТ ҲОКИМИ КУБОГИ- 2021″
🏁 А-гуруҳи
▶️2-тур.
Пахтакор-79 – Андижон -2 – 2:0
Пахтакор-79: Ж.Турғунов, Д. Қаюмов, Ш.Саидаҳматов, Д. Ҳошимжонов, Д. Исоқжонов, А. Иброҳимов, А. Валихонов, Б. Каримов, Х. Сотволдиев, О. Юсупов, Б. Мамажонов.
Андижон-2: З. Каҳҳоров, А. Маматказин, О. Муҳсинов, Д. Абдувоҳидов, А. Муҳаммаджонов, Р. Қучқаров, А. Абдумухторов, О. Каҳҳоров, П. Шарипов, Д. Каримбердиев, Ю. Топволдиев.
“Нефтчи” – “Нур Баткен” – 3:0 (0:0)
Голлар: Шерзод Каримов пен, Отабек Зокиров, Абдул Азиз Юсупов.
“Нефтчи”: Муҳаммаджонов Машҳур, Шамситдинов Тоҳир, Муллажонов Шавкат, Хожиматов Шодиёр, Раҳматов Сайдулло, Юсупов Абдул Азиз, Алиев Аъзам, Олимов Абдуллох, Каримов Шерзод, Зокиров Отабек, Сатторов Худойшукур.
Захира: Жўраев Акбар, Солиев Сарвар, Абдулбеков Жасур, Станоевич Дарко, Адҳамзода Умар, Ғойибжонов Асилбек, Аҳмаджонов Акобир.
“Нур Баткен”: Пахритдинов Алишер, Абдумалик Улу Эламон, Зайналов Зойирбек, Маткаримов Раҳим, Якубов Жўрабек, Ғаниев Иззатбек, Камолов Нодирхон, Тохтаназаров Достон, Рашидов Достонжон, Неъматов Фарҳоджон, Умурзақов Дилшод.
Захира: Асанбеков Талғат, Таштанов Мелис, Айбашев Умарбек, Акилбек Улу Жамие, Эргашали Улу Адилет, Жанишев Равшан.
🏆”ВИЛОЯТ ҲОКИМИ КУБОГИ- 2021″
🏁 В-гуруҳи
▶️2-тур.
“Навбаҳор – 2” – “Уз Тонг Хонг Ко” – 3:1
Навбахор – 2: У. Эгамбердиев, М. Адашбоев, А. Зокиров, М. Абдулмуталов, А. Лутфуллоев, А. Хурсанбоев, Ж. Турсунов, А. Зокиржонов, А. Орифжонов, Р. Қаюмбоев, И. Набиев.
Уз Тонг Хонг Ко: Муҳаммаджон Убайдуллаев, Абдураҳмон Комилов, Шоирбек Рузаев, Ильдар Маматказин, Сардор Маруфжонов, Жаҳонгир Мақсудов, Исроил Исмоилов, Бахтиёр Исмоилов, Илҳом Абдуғаниев, Шокир Одилжонов, А. Тешабоев.
“Турон” – “Истиқлол” – 0:2 (0:1)
Голлар: Анвар Ҳожимирзаев, 21, Абдухолиқ Қурбонов-пен. 62.
“Турон”: Акмал Ортиқов, Аслиддин Тоштемиров, Исмоил Охунжонов, Достонбек Мелиқўзиев, Ғолиббек Сарибоев, Жавоҳир Соҳибов, Даврон Умиров, Суннатилло Эрматов, Абдулазизхон Абдурашидов, Билолхон Тошмирзаев, Асилбек Қаюмов.
Захира: Исломбек Абдуллаев, Ғиёс Комилов, Жаҳонгир Меҳмонов, Музаффар Музаффаров, Абдураҳмон Абдулхақов, Орипхўжа Абдухолиқов.
“Истиқлол”: Фаррух Турдалиев, Элёр Мамасолиев, Даврон Исоқов, Павел Смоляченко, Шохрух Бойқўзиев, Анвар Хожимирзаев, Аҳрор Ўктамов, Абдухолиқ Қурбонов, Сардор Сотволдиев, Мансур Саидов, Илҳом Ваҳобов.
Эртага яна бир муҳим баҳс
Эртага мусобақанинг тўртинчи кунида муҳим баҳсларнинг бири бўлиб ўтади. Фарғона давлат университетига қарашли спорт мажмуасида “Қўқон-1912” жамоаси гуруҳ фаворитларидан бири “Бухоро” клубига қарши майдонга тушади. Мазкур учрашувд ғалаба қозонган жамоа деярли кейинги босқич масаласини ҳал этади.
АНОНС
🏆”ВИЛОЯТ ҲОКИМИ КУБОГИ- 2021″
🏁 С-гуруҳи
▶️2-тур.
📆26 январь.
🏟«Нефтчи СК» стадиони
⚽️«Навбаҳор фарм» – «Нефтчи-2»
⏱11:00.
⚽️ «Бунёдкор» – «Турон-2»
⏱14:00
🏆”ВИЛОЯТ ҲОКИМИ КУБОГИ- 2021″
🏁 –D-гуруҳи
▶️2-тур.
📆 26 январь.
🏟ФарДУ стадиони
⚽️ «Андижон» – «Ғиждувон»
⏱11:00.
⚽️«Қўқон-1912» – «Бухоро»
⏱14:00
Аброр Деҳқонов.
