15.03.2021
Coca Cola суперлигаси 2-тур доирасидаги «Қўқон-1912» – «Қизилқум» учрашувидан кейинги матбуот анжуманининг биринчи қисмида меҳмонлар устози Ҳамиджон Актамов иштирок этди.
– Авваламбор, барчангизни кириб келаётган Наврўз байрами билан табриклайман. Ўйин ҳақида айтадиган бўлсам, мухлислар шиддатли курашларга бой бўлган баҳснинг гувоҳи бўлишди. Ҳар икки жамоа ҳам ғалаба қозониш учун ҳаракат қилди. Футбол шуниси билан қизиқ. Бугун жанговор ўйин бўлди. Яратилган вазиятлардан фойдалана олмадик. Сафарда дуранг ҳам ёмон натижа эмас деб ўйлайман. “Қўқон-1912” жамоасига кейинги ўйинларда омад тилайман.
Мавсум энди бошланди.Бошида 4-5 та тур барча жамоалар деярли бир хил ўйин кўрсатади Ўйиндан-ўйинга кучайиб борамиз. Жамоани олдига хеч қачон ютқазмаслик вазифаси қўйилган.Мақсадимиз совринли ўйинлардан бирини қўлга киритиш.
