31.07.2021
Бир неча дақиқа олдин Қўқон шаҳридаги 2-БЎСМга қарашли стадионда U 21-биринчилигининг 13-тур тур доирасидаги “Қўқон-1912″U21 – “Навбаҳор”U21 учрашуви якунига етди. Ўйинда вакилларимиз кичик ҳисобда ғалаба қозонишди. Учрашув футболчиларимизнинг шиддатли ҳужумлари билан бошланди. Учрашувнинг 20-дақиқасида рақибларимиз ўз жарима майдончалари ичида Анвар Хожимирзаевга нисбатан ўйин қоидасини бузишди. Ҳакам Наманганликлар дарвозасига пенальти белгилади. Афсуски нуқтага яқинлашган Хожимирзаевнинг зарбаси ноаниқ бўлди. Кетма-кет ҳужумлар 29-дақиқага келиб самара келтирди. Анвар Хожимирзаевнинг заргарона узатмасидан сўнг Норматов тўпни кўкраги билан тўхтатиб, рақиб дарвозасига кучли ва аниқ зарба йўллаб ҳисобни очди. Голдан кейин рақибларимиз анча жонланишди. Бироқ танаффусга қадар ҳисоб ўзгаришсиз қолди.
Иккинчи бўлим ҳам “дерби”га хос шиддатли курашлар остида ўтди. 59-дақиқада меҳмонлар ҳисобни тенглаштиришлари мумкин эди. Асилбек Орифжонов дарвозабонимиз билан деярли бирга-бир вазиятга чиқиб кучли зарба йўллаган эди. Дарвозабонимиз бизни яққол голдан қутқариб қолди. Орадан беш дақиқа ўтиб, Қўқонликлар иккинчи тўпни киритишга муваффақ бўлишди. Чап қанотдан Илҳом Ваҳобов узатган тўпни Хожимирзаев рақиб дарвозасига жойлаб қўйди. Иккинчи голдан кейин ўйин янада қизиди. Жамоалар навбат билан хавфли вазиятларни юзага келтиришди. ўйин якунланиши арафасида аниқроғи, 90+3 дақиқада Азиз Хурсанбоев ҳисобни қисқартирди. Шу тариқа, Азиз Тўхтабоев шогирдлари кичик “дерби”да уч очкога эга бўлишди. Бугунги учрашувда пенальтидан унумли фойдалана олмаган бўлсада Анвар Хожимирзаев энг яхши футболчи бўла олди.
U 21-биринчилиги
13-тур
“Қўқон-1912″U21 – “Навбаҳор”U21 – 2:1 (1:0)
Ҳакамлар: Акмал Раҳимов, Шоҳруҳ Аъзамов, Ойбек Аъзамжонов, Азизбек Исақов.
Назоратчи: Александр Попов.
ЎзПФЛ комиссари: Муҳаммад Содиқ Содиқ-Охунов.
Голлар: Муҳсин Норматов (29), Анвар Хожимирзаев (64). – Азиз Хурсанбоев (90+3).
“Қўқон-1912″U21: 96. Ислом Абдуллаев, 4. Илҳомжон Ваҳобов, 6. Барҳаёт Саидаҳмаджонов , 18. Анвар Хожимирзаев, 24. Абдуллоҳ Миркомилов, 28. Асадбек Қурбонов , 32. Муҳаммаддиёр Иномжонов, 36. Муҳсин Норматов, 45. Хабибжон Шарипов, 53. Акбаржон Адҳамов, 60. Қувончбек Чўлпонов.
Захира: 43. Зикриёхон Қодиров, 2. Муҳаммадризо Ваҳобов, 26. Жамшид Раҳматуллаев, 31. Аюбхон Исақов, 35. Яҳёхон Акбаров, 38. Иззатали Аҳмаджонов, 59. Дилёржон Бахтиёров, 62. Давронбек Сотволдиев.
“Навбаҳор”U21: 13. Исломжон Абдуллахонов, 33. МирзоҳидМирзамаҳмудов, 34. Муроджон Адашбоев, 40. Жаҳонгир Турсунов, 42. Содиқжон Ортиқов (с), 47. Асилбек Орифжонов, 55. Асад Жўрабоев, 64. Музаффар Мўминов, 70. Аббосжон Ғуломов, 77. Ҳусайн Эргашбоев.
Захира: 99. Артур Вастьянов, 39. Нуриддин Раҳимов, 41. Ибодулла Набиев, 49. Азизбек Зокиров, 69. Асадбек Лутфуллаев, 76. Ҳасанбой Турсунов, 92. Азизбек Хурсонбоев, 96. Ҳусан Ғанижонов.
