25.09.2021

Бундан бир неча дақиқа олдин Қўқондаги “Марказий” стадионида Coca Cola суперлигаси 20-тур доирасидаги “Қўқон-1912”- “Андижон” учрашуви бўлиб ўтди. Ўйин кутилганидек, шиддатли тарзда бўлиб ўтди.
Илк дақиқалардан ҳар икки жамоа ҳам ҳужумкорликка зўр беришди. Аммо биринчи бўлим нурсиз дуранг билан якун топди. Айтиб ўтиш жоизки, бугунги баҳсда ҳам етакчи ўйинчиларимиз Мурод Холмуҳаммедов ҳамда Александр Мерзляковлар майдонга тушишмади.
Иккинчи бўлим ҳам худди биринчиси каби вакилларимизнинг шиддатли ҳужумлари билан бошланди. Қўқонликлар рақиб дарвозаси олдида бир қатор вазиятларга эга бўлишди. Аммо ҳисобни очиш меҳмонларга насиб этди. 55-дақиқада Василий Совпел олисдан дарвозамиз тўққизлигини аниқ нишонга олди. Гол жуда чиройли тарзда киритилганини таъкидлаш жоиз. Қолган дақиқаларда футболчиларимиз катта куч билан олдинга ўтишди. Бироқ, кетма-кет ҳужумларимиз самарасиз якунланди. Ҳакам томонидан қўшиб берилган сўнгги дақиқаларда меҳмонлар ўз жарима майдончалари ичида Бобур Акбаровга нисбатан қўполлик ишлатишди. Ҳакам пенальти белгилади. Панальтини эса олдинги ўйинда бўлгани каби Иван Йосович аниқ амалга ошириб, ҳисобни тенглаштирди. Шу тариқа, шиддатли тарзда ўтган “дерби” жанговар дуранг билан якун топди.

Coca Cola суперлигаси
20-тур
⚽️ “Қўқон-1912”- “Андижон” – 1:1 (0:0)
Ҳакамлар: Раҳимбек Каримов, Руслан Самандаров, Обид Жумаев, Иброҳим Исмоилов
Назоратчи: Александр Попов
Комиссар: Бекзод Арипов
Гол: Иван Йосович(90+5пен) – Василий Совпел (55).
“Қўқон-1912”: 1. Музаффар Абдуллаев, 3. Бобур Акбаров, 4. Илҳом Ваҳобов, 5. Славко Лукич (99. Андрей Сидоров – 73), 7. Асадбек Собиржонов (19. Суҳроб Бердиев – 73) 10. Шоҳназар Норбеков (9. Ҳамидулло Абдуҳамидов – 62), 11. Мўмин Мелиев, 15. Ойбек Рустамов, 20. Иқбол Маликжонов (91. Якуба Бамба – 67), 22. Муҳаммаданас Ҳасанов (13. Сардор Азимов – 62), 33. Иван Йосович.
Захира: 46. Хуршид Хўжаев, 8. Фарҳод Бекмуродов, 18. Анвар Хожимирзаев, 23. Александр Мерзляков.
“Андижон”: 1. Элдор Адҳамов, 2. Сардор Хурсанов, 3. Азамат Исроилов (10. Владислав Вассилев – 83), 4. Усмонали Исмоналиев (6. Иброҳим Отахонов – 90+2), 5. Абдулвоҳид Ғуломов, 9. Павел Забелин, 14. Василий Совпел, 17. Фарҳод Соҳибжонов (7. Шерзод Ғуломжонов – 83), 18. Абдуғани Камолов, 26. Муҳаммадкарим Тоиров, 49. Пламен Димов.
Захира: 44. Асилбек Аманов, 23. Мардон Абдуллаев, 27. Миркомил Локаев, 28. Абдураҳмон Комилов, 70. Диёрбек Раҳимқулов, 77. Хуршид Убайдуллаев.