22.01.2022
“Қўқон-1912” жамоасининг Тошкентдаги ўқув-йиғин машғулотлари тобора ўз якунига етиб бормоқда. Бахтиёр Ашурматов бошчилигида футболчилар кунига икки маҳалдан машғулотларда иштирок этишяпти. Жамоа таркибини мукаммаллаштириш учун мураббийлар штаби селекция ишларини тўхтатишгани йўқ. Жамоанинг асосий ўзаги сақланиб қолинди. Етакчи футболчиларимиз Мурод Холмуҳаммедов, Александр Мерзляков, Музаффар Абдуллаев, Ойбек Рустамов, Сардор Азимовлар билан бирга Қувондиқ Рўзиев , Билолхон Тошмирзаев, Санъат Шихов каби футболчилар машғулотларда астойдил ишлашмоқда. Жамоа машғулотларига ўтган мавсумни Бекободнинг “Металлург” жамоасида ўтказган ҳужумчи Шаҳзодбек Нурматов қўшилган. Жамоа кўригида бўлиб турган Исломжон Тошпўлатов яна Термизнинг “Сурхон” жамоасига қайтиб кетди.
Ўтган мавсумда жамоамиз тўпурари бўлган Сербиялик ҳимоячимиз Иван Йосович бугун Белград-Истанбул-Тошкент йўналиши бўйича йўлга чиқди. Йосович эртага жамоамиз ихтиёрига етиб келади.
