18.02.2022

Бахтиёр Ашурматов бошчилигидаги “Қўқон-1912” жамоасининг Тошкент шаҳрида олиб бораётган ўқув-йиғин машғулотлари давом этмоқда.
Футболчиларимиз кунига икки маҳалдан машғулотларда иштирок этишяпти. Секин аста жароҳати бор футболчиларимиз ҳам соғайиб асосий гуруҳ машғулотларига қўшилишмоқда.
Мураббийлар штаби мавсум яқинлашгани сари жамоавий ўйинни шакллантиришга кўпроқ урғу беришмоқдалар. Шу мақсадда эртага яна бир ўртоқлик ўйини ташкил қилинади. Футболчиларимиз эртага Тошкентнинг “Локомотив” жамоасига қарши майдонга чиқадилар. Бу учрашув Қибрайдаги стадионда бўлиб ўтади.