25.08.2024

“Real Sosedad” yarim himoyachisi Mikel Merino faoliyatini “Arsenal”da davom ettiradi.
Insayder Fabritsio Romanoning xabariga ko‘ra, 28 yoshli ispan Londonga keldi va tibbiy ko‘rikdan o‘tdi. Klublar ayni damda transferni amalga oshirish uchun hujjatlarni almashishmoqda. “Kanonirlar” o‘yinchi uchun 32 million yevro to‘laydi va bonuslar sifatida 5 million ko‘zda tutilgan. Xavbek bir yilga uzaytirish imkoniyati bilan 4 yillik shartnoma imzolaydi.

Merino o‘tgan mavsum 45ta o‘yinda maydonga tushib, 8ta gol va 5ta assist qayd etdi. U Ispaniya terma jamoasi bilan Yevro-2024 g‘olibi bo‘ldi. Transfermarkt portali o‘yinchini 50 million yevroga baholamoqda.