26.02.2022

Азиз Тўхтабоев бошчилигидаги “Қўқон-1912”U21 жамоаси ҳам янги мавсумга жиддий тарнзда ҳозирлик кўришмоқда. Жамоа таркиби бу йил ҳар қачонгидан ҳам ёшартирилди. Ўтган мавсумда “Қўқон-1912”U18 жамоасида ўйнаган кўплаб футболчилар бу мавсумда ўринбосарлар таркибида ҳаракат қилишади. Жамоага келажаги порлоқ бўлган 3-4 нафар янги , ёш футболчилар ҳам жалб қилинди.
Азиз Тўхтабоев шогирдлари бугун Қўқон шаҳридаги “Кимёгар” стадионида, тажрибали мураббий Баҳром ака Хакимов бошчилигидаги “Турон”U19 жамоасига қарши назорат учрашувини ўтказишди. Қизиқарли ва курашларга бой ўтган баҳсда “Қўқон-1912”U21 жамоаси 4-2 ҳисобида ғалаба қозонишди. Учрашувдаги голларга Аюбхон Исақов, Азиз Эркинов, Темур Тоҳиржонов ҳамда Абдуллоҳ Миркомиловлар муаллифлик қилишди.
Қуйида ҳозиргина якунига етган ўйиндан фото лавҳаларни томоша қилинг.