30.03.2022
Coca Cola Суперлигаси 4-тур доирасидан ўрин олган “Қўқон-1912” – “Металлург” учрашуви эртага Яйпан шаҳрида бўлиб ўтади. Мазкур баҳс олдидан бу жамоаларнинг ўзаро ўйинлардаги статистик маълумотлари билан таништириб ўтамиз.
Ўзаро ўйинлар
Мазкур жамоалар шу кунга қадар Ўзбекистон чемпионатларида 24 марта тўқнаш келишган. Ўйинларнинг ўнтасида футболчиларимиз ғалаба қозонишган. Ўн иккита учрашувда Бекободликлар қўли баланд келган. Иккита баҳсда ғолиб номи аниқланмаган.
Тўплар нисбати 33-36, рақибимиз фойдасига . Ўзаро учрашувларда жамоамиз 32 очкони қўлга киритган. “Металлург” ҳисобида эса 38 очко мавжуд.
Ҳар икки жамоа ўртасида бўлиб ўтган сўнгги 10та учрашув натижалари билан танишинг:
19.09.2021 Металлург – Қўқон-1912 – 0:1
15.04.2021 “Қўқон-1912”- “Металлург” 0-1
16.09.2020. Қўқон 1912 – Металлург – 0:2
06.03. 2020 Металлург – Қўқон 1912 1:0
30.10.2019. Қўқон 1912 – Металлург – 2:3
27.04. 2019 Металлург – Қўқон 1912 3:1
13.07.2018. Қўқон 1912 – Металлург – 2:1
16.03. 2018 Металлург – Қўқон 1912 1:0
22.09.2017 Металлург – Қўқон 1912 3:0
22.04.2017. Қўқон 1912 – Металлург – 3:0
“Металлург”га қарши баҳсни Аскер Нажафалиев бошқариб боради.
Coca-Cola Суперлигасининг 4-турида фаолият олиб борадиган расмийлар маълум бўлди. Яйпандаги “Ўзбекистон” стадионида бўлиб ўтадиган “Қўқон-1912” – “Металлург” жамоалари ўртасидаги баҳсни Аскер Нажафалиев бошчилигидаги ҳакамлар гуруҳи бошқариб борадиган бўлишди.
Нажафалиев 2021 йилги мавсумда жамоамиз иштирокидаги 2 та баҳсни бошқариб борган.Эътиборлиси Аскер Нажафалиев ўтган мавсумнинг 6-туридан ўрин олган “Қўқон-1912” – “Металлург” учрашувини бошқариб борган ва ўша ўйинда жамоамиз 0-1 ҳисобида мағлубиятга учраган эди. Шунингдек Нажафалиев ўтган мавумнинг 22-туридан ўрин олган “Сўғдиёна” – “Қўқон-1912” учрашувини ҳам бошқариб борган. Бу ўйин 1-1 ҳисобидаги дуранг натижа билан якунланган эди. Яйпандаги баҳсда VAR тизими ҳам ишлайди. VAR ҳаками сифатида эса Элёр Турсунов фаолият олиб боради.
Coca-Cola Суперлига.
4-тур
31 март, пайшанба
ҚЎҚОН-1912 – МЕТАЛЛУРГ
Ҳакамлар: Аскер Нажафалиев, Расулжон Фозилов, Максим Нехочин, Акмал Раҳимов
Назоратчи: Александр Попов
VAR ҳаками: Элёр Турсунов
VAR ассистенти: Руслан Серазитдинов
Комиссар: Қудрат Мадраимов
Бошланиш вақтлари
“Қўқон-1912” – “Металлург” учрашуви эртага Яйпан шаҳридаги “Ўзбекистон” стадионида соат 18:30 да старт олади. Ушбу жамоаларнинг ўринбосарлари U-21 биринчилиги 4-турида майдонга тушишади. Мазкур ўйин 1 апрель куни, Қўқон шаҳридаги “Марказий” стадионида соат 14:30 да бошланади.
Ҳар икки баҳсда вакилларимизга омад тилаб қоламиз!
