08.09.2022
Coca Cola Суперлигаси 18-тур доирасидан ўрин олган “Қўқон-1912” – АГМК баҳси 9 сентябрь куни Яйпандаги “Ўзбекистон” стадионида бўлиб ўтади. Навбатдаги баҳс олдидан ушбу жамоаларнинг ўзаро ўйинлардаги статистик маълумотлари билан таништириб ўтамиз.
Ўзаро ўйинлар
Ушбу жамоалар шу кунга қадар Ўзбекистон чемпионатларида 17 марта тўқнаш келишган. Ўйинларнинг тўрттасида футболчиларимиз ғалаба қозонишган. Ўнта учрашувда олмалиқликлар қўли баланд келган. Учта баҳсда ғолиб номи аниқланмаган.
Тўплар нисбати 31-20 рақибимиз фойдасига. Ўзаро учрашувларда жамоамиз 15 очкони қўлга киритган. АГМК ҳисобида эса 33 очко мавжуд.
Қўқонда ўтказилган сўнгги олтита учрашув:
20.11.2021 ҚЎҚОН-1912 – АГМК – 2:2
26.10.2020 Қўқон-1912 – АГМК – 1:0
23.11.2019 Қўқон-1912 – АГМК – 1:3
03.10. 2018 Қўқон-1912 – АГМК – 1:2
18. 07. 2018 Қўқон-1912 – АГМК – 3:0
25.11.2017 Қўқон-1912 – АГМК – 1:2
АГМКга қарши ўйинни Рахимбек Каримов бошқариб боради
Coca Cola суперлигасининг 18 турида ишлайдиган расмийлар маълум бўлди. Яйпандаги “Ўзбекистон” стадионида бўлиб ўтадиган АГМК- “Қўқон-1912” учрашувини Рахимбек Каримов бошчилигидаги ҳакамлар гуруҳи бошқариб боришадиган бўлди. Рахимбек Каримов бу мавсумда жамоамиз иштирокидаги 2та баҳсни бошқариб борган. Сафарда ўтган икки баҳснинг бирида мағлуб бўлганмиз ва бирида дуранг натижа қайд этилган. Каримов бошқариб борган “Навбаҳор”га қарши Наманганда бўлиб ўтган баҳсда мезбонлар ғалаба қозонишган бўлса, Тошкентда “Бунёдкор” билан ўйинда 1-1 ҳисобидаги дуранг натижани қайд этганмиз.
АГМК билан бўладиган ўйинда ВАР тизимидан ҳам фойдаланилади. ВАР ҳаками сифатида эса Акобир Шукруллаев фаолият олиб боради.
9 сентябрь, жума
ҚЎҚОН-1912 – АГМК
Яйпан. “Ўзбекистон” стадиони. 18:30
Ҳакамлар: Раҳимбек Каримов, Ислом Азимов, Шерзод Аъзамов, Ҳусан Музаффаров
VAR ҳаками: Акобир Шукуруллаев
VAR ассистенти: Максим Нехочин
Назоратчи: Арслон Хотамов
Комиссар: Шерзод Ражабов
Бошланиш вақтлари
ҚЎҚОН-1912 – АГМК учрашуви 9 сентябрь, жума куни, соат 18:30да бошланади. Ўйин Яйпандаги “Ўзбекистон” стадионида бўлиб ўтади.
Бу жамоаларнинг ўринбосарлари ўртасидаги баҳс эса 10 сентябрь куни, соат 16:30да, Қўқондаги 2-БЎСМга қарашли стадионда бўлиб ўтади.
Ҳар икки баҳсда вакилларимизга омад тилаймиз! Барча мухлисларимизни эса жамоамизни қўллаб-қувватлашга чорлаб қоламиз!
