06.10.2022

“Қўқон-1912” жамоаси суперлиганинг навбатдаги тур ўйинини ҳам Яйпанда ўтказади. Бу сафар Тошкентнинг “Локомотив” жамоаси меҳмонимиз бўлади.
Ўтган турдаги “Сурхон” жамоасидан учралган мағлубиятдан сўнг жамоамиз мураббийлар штаби футболчиларни навбатдаги ўйинга руҳан тайёрлаш учун астойдил интилишмоқда. Ўйиндан сўнг футболчиларга дам берилмади. Барча жамоа аъзолари Қўқондаги машғулотларда иштирок этишмоқда. Жамоамиз ҳозирги қийин ҳолатдан албатта чиқиб кета олади. Жароҳатини даволатиш билан банд бўлган етакчи футболчимиз Жавоҳир Сидиқов ҳам жамоадошларини қўллаб-қувватлаш учун Қўқонга етиб келган.
“Локомотив” билан бўладиган ўйин биз учун финалга тенг. Футболчиларимиз финал ўйинида ғолиб чиқишига ишонамиз. Бу йўлда сиз азиз мухлисларимизнинг ҳам қўллаб-қувватлашлари зарур бўлади. Оғир кунда ёнимизда турган мухлисларимизга алоҳида миннатдорлигимизни билдирамиз!
“Қўқон-1912” – “Локомотив” учрашуви 8 октябрь, шанба куни, соат 17:00да бошланди.