07.10.2022
Coca Cola Суперлигаси 21-тур доирасидан ўрин олган “Қўқон-1912” – “Локомотив” учрашуви 8 октябрь куни Яйпан шаҳрида бўлиб ўтади. Мазкур баҳс олдидан ушбу жамоаларнинг ўзаро ўйинлардаги статистик маълумотлари билан таништириб ўтамиз.
Ўзаро ўйинлар.
Ушбу жамоалар шу пайтга қадар чемпионат доирасида 15 марта тўқнаш келишган.
“Локомотив” ўйинларнинг 6 тасида зафар қучган, 5 та баҳсда дуранг қайд этилган, тўрттта учрашувда вакилларимизнинг қўли баланд келган.
Тўплар нисбати – 24-16, “Локо” фойдасига. Ўзаро ўйинларда “Темирйўлчилар” 23 очкони қўлга киритишган. “Қўқон-1912” очкоси 17 тани ташкил этади.
Жамоаларнинг сўнгги тўқкизта учрашувида қайд этилган натижалар:
11.05.2022. “Локомотив” – “Қўқон-1912” 1-2
23.10.2021. “Қўқон-1912”- “Локомотив” 2-1
20.06. 2021. Локомотив – Қўқон-1912 – 0:1
25.11.2020. Қўқон-1912 – Локомотив – 0:1
21.08.2020. Локомотив – Қўқон-1912 – 1:2
20.09.2019. Қўқон-1912 – Локомотив – 1:1
02.05.2019. Локомотив – Қўқон-1912 – 2:2
09.07.2018. Қўқон-1912 – Локомотив – 1:2
07.04.2018. Локомотив – Қўқон-1912 – 1:1
“Локомотив”га қарши баҳсни Акобирхўжа Шукруллаев бошқариб боради
Coca Cola суперлигасининг 21-тур учрашувларини бошқариб борадиган ҳакамлар ва расмийлар рўйхати маълум бўлди. 8 октябрь куни бўлиб ўтадиган “Қўқон-1912” ҳамда “Локомотив” жамоалари ўртасидаги баҳсни ФИФА ҳаками Акобирхўжа Шукруллаев бошқариб борадиган бўлди. Шукруллаев жорий мавсумда шу кунгача Ўзбекистон кубоги ҳамда суперлига доирасида бўлиб ўтган 18 та учрашувда бош ҳакам бўлиб ишлади. Мавсум бошида бўлиб ўтган Ўзбекистон суперкубоги учун бўлиб ўтган басҳни ҳам Шукруллаев бошқариб борган эди. 2022 йилдаги барча бошқарган ўйинларида Шукруллаев 77 та сариқ ва 2та қизил карточка кўрсатган. Дарвозаларга эса 10 марта пенальти белгилаган. Акобирхўжа Шукруллаев жорий мавсумда жамоамиз иштирокида ўйинларда бош ҳакам бўлиб ишламаган.
8 октябрь, шанба
ҚЎҚОН-1912 — ЛОКОМОТИВ
Яйпан. “Ўзбекистон” стадиони. 17:00
Ҳакамлар: Акобир Шукуруллаев, Александр Сидоров, Олим Абдувасилов, Хушнуд Суюнбоев
VAR ҳаками: Раҳимбек Каримов
АVAR ҳаками: Бахтиёрхўжа Шавкатов
Назоратчи: Бахтиёр Тагаев
Комиссар: Зоҳиржон Акрамхонов
Бошланиш вақтлари
“Қўқон-1912” – “Локомотив” учрашуви эртага 8 октябрь, шанба куни , Яйпандаги “Ўзбекистон” стадионида, соат 17:00да бошланади. Бу жамоаларнинг ўринбосарлари ўртасидаги ўйин эса, 9 октябрь куни Қўқондаги 2-БЎСМга қарашли стадионда, соат 15:30да бошланади.
Ҳар икки баҳсда вакилларимизга омад тилаймиз. Азиз мухлисларимизни эса стадионга келиб жамоамизни қўллаб-қувватлашга чорлаб қоламиз!
ФАКТ: “Қўқон-1912” жамоаси “Локомотив”га қарши ўтказган сўнгги 9 та ўйинида фақат 1 марта мағлуб бўлган холос. 3 та баҳсда кучлар тенг келган бўлса, 5 ўйинда “шунқорлар” ғалаба қозонишган!
