24.10.2022
Coca Cola Суперлигаси 23-тур доирасидан ўрин олган “Қўқон-1912” – “Сўғдиёна” учрашуви 26-октябрь куни Яйпан шаҳридаги “Ўзбекистон”стадионида бўлиб ўтади. Мазкур баҳс олдидан бу жамоаларнинг ўзаро ўйинлардаги статистик маълумотлари билан таништириб ўтамиз.
Ўзаро ўйинлар
Бу жамоалар шу пайтга қадар чемпионат доирасида 33 марта тўқнаш келишган. Бу сафарги тўқнашув жамоларнинг ўзаро 34-учрашуви ҳисобланади.
Ўйинларнинг 9 тасида вакилларимиз зафар қучишган, 16 та баҳсда жиззахликлар қўли баланд келган. Сакизта учрашувда дуранг натижа қайд этилган.
Тўплар нисбати 55-38, “Сўғдиёна” фойдасига. Ўзаро ўйинларда “Қўқон-1912” 35 очкони қўлга киритган. “Сўғдиёна””нинг очкоси 56 тани ташкил этади.
Қўқонда бўлиб ўтган сўнгги олтита учрашувда қайд этилган натижалар:
18.05.2021 Қўқон-1912 – Сўғдиёна – 2:3
14.03.2020 Қўқон-1912 – Сўғдиёна – 2:1
30.07.2019 Қўқон-1912 – Сўғдиёна – 1:2
25.11.2018 Қўқон-1912 – Сўғдиёна – 0:0
29.07.2018 Қўқон-1912 – Сўғдиёна – 2:1
20.06.2017 Қўқон-1912 – Сўғдиёна – 3:2
“Сўғдиёна”га қарши ўйинни Абдурашид Худойберганов бошқариб боради
Coca cola суперлигасининг 23 турида ишлайдиган ҳакамлар ва расмий шахслар рўйхати эълон қилинди. Унга кўра Яйпандаги “Ўзбекистон” стадионида бўлиб ўтадиган “Қўқон-1912” ҳамда “Сўғдиёна” жамоалари ўртасидаги баҳсни, республикамизнинг ёш ва иқтидорли ҳакамларидан бири Абдурашид Худойберганов бошқариб боради. Худойберганов бу мавсумда асосий жамоамиз ўйинларини бош ҳакам сифатида бошқармаган. У U21-биринчилигининг 12-туридан ўрин олган “Бунёдкор”U21 жамоасига қарши сафардаги ўйинимизда бош ҳакам вазифасини бажарган эди.
26 октябрь, чоршанба. Соат 18:30.
ҚЎҚОН-1912 – СЎҒДИЁНА
Ҳакамлар: Абдурашид Худойберганов, Расулжон Фозилов, Максим Нехочин, Иброҳим Исмоилов
Назоратчи: Бобур Ҳайдаров
VAR ҳаками: Аҳрол Рисқуллаев
AVAR ҳаками: Анвар Маражабов
Комиссар: Алишер Файзиев
Бошланиш вақтлари
“Қўқон-1912” – “Сўғдиёна” учрашуви 26-октябрь, чоршанба куни, Яйпандаги “Ўзбекистон” стадионида, соат 18:30да бошланади.
Мазкур жамоаларнинг U21 таркиблари ўртасидаги баҳс эса 27 октябрь куни, соат 14:00да, Қўқондаги 2-БЎСМга қарашли стадионда бўлиб ўтади.
Ҳар икки баҳсда вакилларимизга омад ёр бўлишини тилаб қоламиз!
