23.12.2022

Бугун “Қўқон-1912” жамоасининг сардори, ўзбек футболида ўз ўрнига эга бўлган футболчи, Муроджон Холмуҳаммедовнинг туғилган куни. Муроджон бугун 32 ёшни қарши олмоқда.

Қўқонлик футбол мухлисларининг қалбларидан чуқур жой эгаллаган Мурод Холмуҳаммедов ҳақида қанча гапирсак , ёзсак камлик қилади. Мурод Холмуҳаммедов номи Қўқон футболи тарихига зарҳал ҳарфлар билан аллақачон битилган десак муболаға бўлмайди. Айни кунларда Мурод Холмуҳаммедов ҳам бошқа футболчилар каби таътилни оила даврасида ўтказмоқда. Холмуҳаммедов ҳали “Қўқон-1912” жамоасини расман тарк этмаган. Тўғри Холмуҳаммедовдек футболчига бошқа жамоалардан кўплаб таклифлар бўлиши табиий ҳол. Бироқ Муроджон ҳали ҳеч бир жамоа билан расман шартнома имзоламаган.
“Қўқон-1912” жамоаси раҳбарияти, мураббийлар штаби, футболчилар ҳамда сиз азиз футбол мухлислари номидан Мурод Холмуҳаммедовни бугунги таваллуд айёми билан чин юракдан табриклаймиз ! Муроджонга узоқ умр, мустаҳкам соғлик ҳамда келгуси фаолиятида улкан зафарлар тилаймиз !