24.01.2023
Bugun, 24-yanvar kuni OʻFAda OAV vakillari uchun seminar oʻtkazildi.
Oʻzbekiston futbol hakamlari markazi futbol sohasida faoliyat yurituvchi barcha OAV vakillari uchun oʻyin qoidalaridagi soʻnggi oʻzgarishlar, yangilanishlarga bagʻishlangan seminar oʻtkazdi.
Unda OAV vakillari uchun test tashkil etildi hamda bahsli vaziyatlar tahlil qilindi. Hakamlar nazoratchilari Vladislav Seytlin hamda Valentin Kovalenko har bir vaziyatni tahlil qilib, OAV vakillariga batafsil tushuntirish berishdi.
Yakunda oʻyin qoidalaridagi soʻnggi oʻzgarishlar haqida maʼlumot berildi.
