01.11.2023

Joriy mavsumda “Qoʻqon-1912” jamoasi Pro liga bahslarida jami 28 nafar futbolchining xizmatidan foydalandi. Turni davomida jamoamiz sardori Bobur Akbarov maydonda eng koʻp vaqt oʻtkazdi. Himoyachimiz joriy mavsum 19 ta uchrashuvda harakat qildi va jami maydonda 1666 daqiqa boʻldi. Undan keyingi oʻrinda jamoamiz toʻpurari Anvarjon Xojimirzayev boʻldi. Hujumchimiz barcha turda ishtirok etdi va maydonda 1620 daqiqa harakat qildi. Kuchli uchlikdan esa yana bir tajribali himoyachimiz Aleksandr Merzlayakov joy oldi. Qanot himoyachimiz jami 1578 daqiqa maydonda harakat qildi.