10.04.2017

Фарғонанинг “Нефтчи” жамоаси ҳам Олий лиганинг бир қатор клублари сингари футзал жамоасига асос солди. Янги мавсумдан Футзал бўйича ўтказиладиган чемпионатда “Нефтчи” клуби ҳам иштирок этиши режалаштирилган.

Айни дамда жамоа мавсумга пухта ҳозирлик кўрмоқда. Фарғоналиклар 4-8 апрель кунлари Тошкентда бўлиб ўтган футзал бўйича “Наврўз Кубоги” мусобақасида муваффақиятли иштирок этишди. Жамоа турнир ғолибига айланди.

“Нефтчи” вакиллари ҳал қилувчи ўйинда Бухоронинг “Когон” жамоасини доғда қолдиришди ва Фарғонага бош соврин билан қайтадиган бўлишди.

А. Деҳқонов