11.05.2018

Маълумки, йил бошида Фарғона вилоят футбол ассоциацияси ва қўшни Қирғизистон Республикаси футбол федерацияси ўртасида дўстона ҳамкорлик ўрнатилган эди.

Бу ҳамкорлик натижасида Ўш вилоятининг “Ўш” жамоаси йил бошида Фарғонада ўтказилган “Ҳоким Кубоги-2018”да иштирок этганди. Шунингдек, Қирғизистон Республикаси футбол федерацияси ходимлари вилоятимизда меҳмон бўлишганди.

Куни кеча ушбу ҳамкорликнинг яна бир маҳсулига гувоҳ бўлдик. Қўшни республиканинг учта ёш тоифасидаги ўсмирлар жамоалари Фарғонага ташриф буюришди ва “Нефтчи” ПФК қошидаги футбол мактаби тарбияланувчилари билан ўртоқлик учрашувларида майдонга тушишди.

Фарғона вилоят футбол ассоциацияси матбуот хизмати