Ўзбекистон футболи
Жаҳон футболи
Фарғона футболи
FC Qo'qon

Создайте свою визитку
Яйпанда катта футбол байрами ёҳуд вилоят кубоги “Цементчи”га насиб этди

21.11.2018

Бугун Яйпан шаҳрида катта футбол байрами ҳукмронлик қилди. Бу ерда Фарғона вилояти кубогининг навбатдаги ғолиби аниқланди. Айтиш жоизки, финал учрашувига яйпанликлар юқори савияда тайёргарлик кўришди ва вилоят кубогининг ҳал қилувчи баҳси аъло даражада ўтказилди.

 

Финалгача босиб ўтилган йўл

Бу йилги Кубок баҳслари ҳам худди олдинги йиллардаги каби шиддатли ва кескин курашлар остида ўтди. Ҳал қилувчи учрашувга Яйпаннинг “Турон” ва Қувасойнинг “Цементчи” клублари етиб келишди.

Ушбу жамоалар 2-лига баҳсларини ҳам юқори савияда ўтказиб биринчи ва иккинчи ўринларни қўлга киритишганди. “Турон” чемпион, “Цементчи” иккинчи ўринни эгаллаганди. Шунинг учун финалга бўлган қизиқиш юқори эди.

Кўпчилик мухлислар ўйин олдидан “Турон” жамоасининг имкониятларини юқори баҳолашганди. Боиси тажрибали мураббий – Баҳром Ҳакимов бошқараётган жамоа сафида маҳоратли футболчилар кўп эди. Отабек Исроилов, Собир Ҳамидов, Мўйдин Мамазулумов, Шохрух Холматов номдор ўйинилар “Турон” шарафини ҳимоя қилишаётганди. Айнан шу футболчилар жамоанинг чемпион бўлишида катта ҳисса қўшишди.

Яна ўз олдига юқори мақсадларни қўйган “Цементчи” клуби ҳам секин-аста ўз мавқеини тиклаб бормоқда. Жамоанинг ўзагини ёшлар ташкил этган бўлса-да, қувасойликлар финалга жиддий тайёргарлик кўришганди.

 

Концерт дастури

Финал ўйини олдидан мухлислар учун концерт дастури ҳам ташкил этилди. Унда халқимизнинг ардоқли хонандалари ўз чиқишлари билан мухлисларни хушнуд этишди. Айниқса, Валижон Қодировнинг куй-қўшиқлари футбол ишқибозларининг кайфиятини кўтарилишига замин яратди. Сўз устаси Абдураҳмон Сидиқовнинг чиқиши ҳам мухлисларда илиқ таассурот қолдирди.

 

Биринчи бўлим

Ўйин қувасойликларнинг ҳужумлари билан бошланди. Ана шундай ҳужумларнинг бирида меҳмонлар ҳисобни очишди. “Цементчи”нинг ҳужумини Абдуқодир Артиқов гол билан якунлади. Гол ўтказиб юборгач, мезбонлар катта куч билан олдинга ташланишди. Бироқ уларнинг ҳаракатлари самара келтирмади.

 

Иккинчи бўлим

Танаффусдан кейин ўйиндаги шиддат анча ошди. “Турон” футболчилари ўз мухлисларини хурсанд қилиш мақсадида катта куч билан ҳужумга ўтишди. Икки марта меҳмонларни дарвоза устуни голдан сақлаб қолган бўлса, бир вазиятда Отабек Исроилов пенальтини голга айлантира олмади. Агар у рақиб дарвозасини ишғол этганида ўйин томоман бошқача тус олиши мумкин эди.

Асосан қарши ҳужумга таяниб ҳаракат қилган “Цементчи” жамоаси бўлим ўрталарида иккинчи голни киритишга муваффақ бўлди. Элёр Мўйдинов қарши ҳужумларнинг бирида рақиб дарвозасини аниқ нишонга олди.

Шундан кейин бор эътиборини ҳужумга қаратган яйпанликлар 73-дақиқада ўз мақсадларига эришишди. Тажрибали ҳужумчи Мўйдин Мамазулумов ҳисобни қисқартирди. Қолган дақиқаларда мезбонлар ҳарчанд ўринишмасин, ҳисобни ўзгартира олишмади ва “Цементчи” тўрт йиллик танаффусдан кейин вилоят кубогини қўлга киритди. 2014 йилда ҳам қувасойликлар вилоят кубогида зафар қучишганди.

 

Тақдирлаш маросими

Ўйиндан кейин ташкил этилган тақдирлаш маросими ҳам катта байрамга айланиб кетди.“Турон” жамоаси аъзоларига вилоят чемпионлиги муносабати билан кубок ва олтин медаллар топширилган бўлса, “Цементчи” вакилларига Вилоят кубоги тантанали равишда тақдим этилди.

 

Яна бир мақташга арзигулик жиҳат

Тақдирлаш маросимида Фарғона вилоят футбол ассоциация томонидан бир қатор ходимлар ҳам тақдирланишди. Айниқса, энг яхши мухлислар деб топилган имконияти чекланган (ногирон) футбол ишқибозларининг қимматбаҳо совғалар билан тақдирлангани ҳам таҳсинга лойиқ.

Ушбу мусобақани юқори савияда ташкил этишдаФарғона вилоят ҳокимлиги, Ўзбекистон тумани ҳокимлиги ва Вилоят вилоят футбол ассоциация, “Турон” футбол клуби раҳбарлари катта ҳисса қўшишганини таъкидлаш жоиз.

 

Аброр ДЕҲҚОНОВ

Яйпан шаҳридан махсус тайёрланди

Coca Cola Суперлига
#КлубЎО
1Пахтакор1335
2Локомотив1327
3Навбаҳор1321
4Насаф1321
5Бунёдкор1321
6Сурхон1321
7Динамо1319
8Сўғдиёна1317
9Металлург1314
10АГМК1312
11Қизилқум1311
12Бухоро1310
13Андижон139
14Қўқон-1912138
U-21 биринчилиги
#КлубЎО
1Локомотив1328
2Пахтакор1327
3Насаф1324
4Андижон1322
5АГМК1322
6Бунёдкор1320
7Металлург1318
8Сўғдиёна1317
9Бухоро1315
10Навбаҳор1314
11Қўқон-19121313
12Қизилқум1313
13Динамо1313
14Сурхон138