14.05.2021

Суперлига 8-тури доирасида 13 май куни бўлиб ўтган «Турон» — «Қизилқум» (0:1) учрашувидан сўнг Яйпаннинг «Турон» клуби бош мураббийи Исломбек Исмоилов ўз аризасига кўра истеъфога чиқарилди.

Жамоани вақтинчалик УЕФА Pro мураббийлик лицензиясига эга польшалик мураббий Богуслав Баниак бошқариб турадиган бўлди.

Польшада “Бебето” лақаби билан машҳур бўлган 62 ёшли Богуслав Баниак турли йилларда Польша чемпионатида – “Экстракласса”да “Погонь” (Шецинь), “Варта” (Познань) жамоаларини бошқарган, шунингдек Буркина-Фасо футбол федерациясининг спорт директори ҳамда ушбу мамлакат ўсмирлар терма жамоаси бош мураббийи лавозимларида ишлаган.