21.03.2017

Олий лиганинг 3-туридан ўрин олган 6 та учрашув бўлиб ўтди. Ўйинлар якунига етгач, Championat.asia сайти ходимлари турнинг рамзий терма жамоасини тузиб чиқишди. Бу сафар тур рамзий терма жамоасида икки нафар футболчимиз ўрин олгани қувонарли ҳолдир.

“Қўқон-1912” мавсумдаги илк ғалабани ўз майдонида “Қизилқум” устидан қўлга киритди. Мазкур ўйинда мезбонлар ҳимоячиси Мурод Холмуҳаммедов жуда фаол ўйнади. У ўз қанотида рақиб вакилларига имконият бермади. Бундан ташқари ҳужумларда ҳам кўп бор кўриниш бериб турган Холмуҳаммедов рамзий термадан ўрин олди.

Ҳужумда фақат бир нафар футболчини танлаб олишга қарор қилдик. Ўтган турда ҳам рамзий термадан жой олган сербиялик Филип Райевац бу сафар ҳам унга киритилди. “Қизилқум” билан баҳс тақдирини ҳал қилган ягона голни айнан Райевац урди, деб футболчиларимизга таъриф бериб ўтилган Championat.asia сайтида.

Championat.asia талқинига кўра 3-тур рамзий терма жамоаси

Дарвозабон

Жавоҳир Илёсов “Машъал”

Ҳимоячилар

Мурод Холмуҳаммедов “Қўқон-1912”

Жаҳонгир Меҳмонов “Навбаҳор”

Владислав Касминин “Олмалиқ”

Сардор Раҳмонов “Машъал”

Шоҳрух Холматов “Динамо”

Ярим ҳимоячилар

Дмитрий Комаровский “Нефтчи”

Ғайрат Умиров “Обод”

Шоҳрух Достонов “Сўғдиёна”

Жавоҳир Қаҳрамонов “Динамо”

Ҳужумчи

Филип Райевац “Қўқон-1912”