04.07.2017

Олий лигада биринчи давра ўйинлари якунига етди. Сhampionat.asia сайти ходимлари дастлабки даврада клубларимиз сафида ўйнаган легионерларнинг қандай ҳаракат қилишганига эътибор қаратишди.

 

“Қўқон-1912”
Филип Райевац (Сербия) – 15 та ўйин 6 та гол
Дарко Гожкович (Сербия) – 8 та ўйин 1 та гол
Дарко Гожкович ўтган йилдан буён олий лига мухлисларига яхши таниш. Марказий ҳимоячи бу мавсумни ҳам қўқонликлар сафида бошлади. Тўғри у ўтган йилдаги каби кўп ҳам майдонга тушмаяпти. Бироқ ўзига имкон берилганида тўлақонли равишда фойдаланиб қолишга уринмоқда. Филип Райевац эса Нўъмон Ҳасановнинг ҳақиқий топилмаси бўлди десак бўлади. Сабаби мавсум аввалида Райевац гол сезиш қобилияти қанчалик юқори эканлигини кетма-кет ўйинлардаги голлари билан кўрсатишга эришди. Унинг муҳим голлари “Қўқон-1912″нинг ғалабаларига замин яратиб берди. Натижада Ҳасанов шогирдлари биринчи давра охирига келиб пешқадамлар орасида боришмоқда, деб таъриф берилган championat.asia сайтида.