08.07.2017

Ўзбекистон Кубоги–2017 мусобақасининг чорак финал жавоб ўйинларининг ўтказилиш санаси ўзгарди ҳамда ярим финал дастлабки учрашувларининг кунлари белгиланди.

Дастлабки режага кўра, «Бунёдкор» – «Нефтчи» жавоб учрашуви 25 июль куни, «Локомотив» – «Бухоро» ва «Қўқон-1912» – «Насаф» жавоб ўйинлари 26 июль куни бўлиб ўтиши керак эди.

Мусобақа чорак финалида иштирок этаётган клублар сафида Ўзбекистон миллий терма жамоаси аъзолари ҳам борлиги, миллий терма жамоа 17–23 июль кунлари хорижда йиғин ўтказиши ҳамда футболчилар қайтиб келгач тикланиши учун етарлича вақтга эга бўлиши мақсадида чорак финал жавоб ўйинларини тегишли равишда 27 ва 28 июль саналарида ўтказишга қарор қилинди.

Шундай қилиб, “Насаф”га қарши Қўқонда бўлиб ўтадиган ўйин 28 июль кунига белгиланди.

 

Ўзбекистон Кубоги, 1/4 финал

Жавоб ўйинлари

27 июль (пайшанба)

«Бунёдкор» – «Нефтчи»

28 июль (жума)

«Локомотив» – «Бухоро»

«Қўқон-1912» – «Насаф»