22.07.2017
Биринчи давра якунларига доир маълумотлар билан таништиришни давом эттирамиз. Бугун дарвозабонларимизнинг биринчи даврадаги иштироклари хусусида тўхталиб ўтамиз.
“Қўқон-1912” дарвозасини дастлабки даврада уч нафар дарвозабон қўриқлади. Тажрибали Азиз Ашуров 7 та баҳсда иштирок этиб, ўз дарвозасидан 6 та тўп ўтказиб юборди. Музаффар Абдуллаев ва Никита Рибкин эса 4 тадан учрашувда майдонга тушишди. Никита Рибкин ҳам ўз дарвозасидан олтита тўп олиб чиққан. Музаффар Абдуллаевнинг кўрсаткичи эса – тўртта.
Биринчи даврада дарвозамиз томон учта пенальти белгиланди. Қизиғи қўқонликлар дарвозасига биринчи даврада белгиланган учала пенальти ҳам Рибкин майдонга тушган ўйинларда кузатилди. Уларнинг биттасини Никита қайтаришга эришди.
Мавсумнинг биринчи қисмида Азиз Ашуров 105 дақиқа ўз дарвозаси дахлсизлигини таъминлай олган.
