30.11.2017

«Қўқон-1912» ўринбосарлари учун мавсум-2017 жуда муваффақиятли ўтди, десак муболаға бўлмайди. Муҳсин Низомиддинов шогирдлари ёшлар лигасида учинчи ўринни қўлга киритишди. Бу эса Қўқонда яна бир янги авлод вакиллари етишиб чиқаётганидан далолат беради.  Ўринбосарларимиз бутун мавсум давомида мухлислар учун ҳаяжонли онларни тақдим этишди. Вакилларимиз кўплаб учрашувларда иродали ғалабаларни қўлга киритишди. Баъзан эса сўнгги дақиқалардаги голлар эвазига рақиблардан устун келишди. Мана шундай унутилмас онларни тақдим этишгани учун уларга миннадорчилик изҳор этамиз.

Ўринбосарларимиз сафида Муҳаммаданас Ҳасанов, Аваз Маматхўжаев, Иқбол Маликжонов, Ойбек Рустамовлар ёрқин ўйин намойиш этишди. Бундан ташқари, Ислом Абдуллаев, Дониёр Тўлашев, Достон Мелиқўзиев, Аброр Раҳмонов, Дилшод Баратов, Исмоил Охунжонов каби ёш футболчилар бутун мавсум давомида ўзларининг ёрқин ўйинлари билан ишқибозларимизни хушнуд этишди.

Ўйлаймизки, янги мавсумда ҳам ўринбосарларимиз мана шундай натижалар билан мухлисларни қувонтирадилар.