13.01.2018

Янги мавсумга тайёргарлик кўраётган ўринбосарларимиз бугун иккинчи назорат учрашувларини ўтказишди. Муҳсин Низомиддинов шогирдларининг бу сафарги рақиби – “Нефтчи” ёшлари бўлди. Қиргулидаги “Нефтчи” СМ стадионида бўлиб ўтган учрашув голларга бой тарзда ўтди.

Биринчи бўлимда вакилларимиз рақиб дарвозасини икки бор аниқ нишонга олишди. Иккинчи бўлимда эса ўринбосарларимиз битта, мезбонлар эса  икки бор гол киритишнинг уддасидан чиқишди. Натижада ўйин вакилларимизнинг 3:2 ҳисобидаги ғалабаси билан якунланди.

Жамоамиздан голларга Аброр Раҳмонов (2 та) ва Исмоил Охунжоновлар муаллифлик қилишди.