16.03.2018

Суперлига 3-туридан ўрин олган “Металлург” – “Қўқон-1912” жамоалари ўртасидаги ўйиндан кейин жамоамиз етакчиси Мурод Холмуҳаммедов ўз фикрлари билан ўртоқлашди.

– Бугун Бекободга фақат ғалаба учун келгандик. Лекин ўйин бошида ўтказиб юборилган гол режаларимизни бузиб юборди. Бугун вазиятни ўнглаш учун қўлимиздан келганча ҳаракат қилдик. Лекин омадимиз келмади.

Бугун бизни қўллаб-қувватлаб турган мухлисларимизга миннатдорчилик билдираман. Кейинги учрашувларда ғалаба қозониб уларни хурсанд қилишга ҳаракат қиламиз.