10.04.2018

Супер лига 6-турини вакилларимиз Олмалиқда АГМК жамоасига қарши ўтказишади. Ушбу ўйин 12 апрель куни бўлиб ўтади. Анъанамизга содиқ қолган ҳолда мазкур жамоаларнинг ўзаро учрашувларига доир статистик маълумотларни тақдим этамиз.

Ўзаро ўйинлар

“Олмалиқ ” ва “Қўқон-1912” клублари шу кунга қадар олий лигада олти марта тўқнаш келишган. Ўйинларнинг биттасида футболчиларимиз ғалаба қозонишган. Тўртта учрашувда олмалиқликлар қўли баланд келган. Битта баҳсда ғолиб номи аниқланмаган.

Тўплар нисбати 9-6  АГМК фойдасига. Ўзаро учрашувларда жамоамиз тўрт очкони қўлга киритган. АГМК ҳисобида эса 13 очко мавжуд.

Барча учрашувлар:

18.04. 2015 – Олмалиқ – Қўқон-1912 – 2:1

26.08. 2015 – Қўқон -1912 – Олмалиқ – 0:1

30.06.2016 – Олмалиқ – Қўқон-1912 – 3:2

22.11.2016 – Қўқон-1912 – Олмалиқ – 2:1

25.05.2017 – Олмалиқ – Қўқон-1912 – 0:0

25.11.2017 – Қўқон-1912 – Олмалиқ – 1:2

Юбилей учрашувлар

Мазкур жамоаларнинг ўйини кўп бор юбилей учрашувга тўғри келган. Хусусан, 2015 йилда Қўқондан ўтказилган баҳс жамоамизнинг чемпионатдаги 300-учрашуви сифатида тахирда қолган бўлса, 2016 йилги беллашувлар жамоамизнинг 325 ва 340-учрашувига тўғри келган. Бу жамоаларнинг ўтган йилги баҳслари ҳам юбилейга тўғри келган. Олмалиқдаги ўйин жамоамизнинг чемпионатдаги 355-учрашуви, Қўқондаги беллашув эса 370-учрашув сифатида қайд этилган.

Яна бир маълумот. Мазкур жамоаларнинг биринчи даврадаги барча учрашуви Олмалиқда ўтказилган.

Ҳакамлар

12 апрель куни Олмалиқ шаҳрида бўлиб ўтадиган ўйинни Шерзод Қосимов бошчилигидаги ҳакамлар бригадаси бошқариб боради.

 

Суперлига

6-тур

12 апрель (пайшанба)

АГМК – “Қўқон-1912”

Ҳакамлар: Ш.Қосимов (Тошкент), А.Усмонов (Тошкент), А.Калинин (Қарши), А. Нажафалиев (Тошкент).

Назоратчи – А. Абдуллаев (Тошкент).

Комиссар – Р.Черников.

Бошланиш вақтлари

Пайшанба куни бўлиб ўтадиган ўйин соат 18:00да бошланди.