28.04.2018
Суперлиганинг 9-турида жамоамиз ўз майдонида Тошкентнинг “Бунёдкор” клубини қабул қилади.
Ўз мухлисларимиз кўз ўнгида ўтадиган учрашувга футболчиларимиз астойдил тайёргарлик кўрмоқдалар. Бироз шамоллагани туфайли Жиззахга бормаган Ғиёс Комилов яна сафга қайтган. Лекин “Сўғдиёна” билан бўлган ўйинда қизил карточка олган ҳимоячимиз Мурод Ҳолмуҳаммедов навбатдаги турда жамоамизга ёрдам бера олмайди.
Қуйида кеча Қўқондаги “Марказий” стадионида бўлиб ўтган машғулотлардан олинган суратларни эътиборингизга тақдим қиламиз.
