09.05.2018
Бугун 9-май “Хотира ва қадрлаш куни” муносабати билан республикамизнинг барча шаҳар ва туманларида турли тадбирлар бўлиб ўтмоқда.
“Қўқон-1912” жамоасининг мураббий ва футболчилари ҳам ушбу кунда аждодларимиз руҳини шод этиш мақсадида , Қўқон шаҳридаги хотира майдонига бордилар. Мураббий ва футболчиларимиз бу ерда ватанимиз мустақиллиги учун жон фидо қилган ота-боболаримизни хотирлаб, бу ерда қад ростлаган ёдгорлик пойига гуллар қўйишди. Ўтган ота-боболаримиз хотирасига сукут сақлаб ҳурмат бажо келтирилди. Бугунги тинч ва фаровон ҳаётимиз учун жонларини фидо қилган авлодларимиз руҳлари қалбимизда абадий сақланади.