04.06.2018

Пепси суперлиганинг 14-тур учрашувлари номаълум муддатга қолдирилганидан фойдаланган жамоамиз футболчилари қисқа муддат дам олиш имконига эга бўлдилар.

Кечадан яна ўз қароргоҳларида тўпланган “Қўқон-1912” жамоаси аъзолари , 15-тур доирасида бўладиган “Навбаҳор”га қарши ўйинга тайёргарликни бошлаб юборишди.
Машғулотлар “Марказий” стадионида кунига икки маҳалдан бўлиб ўтмоқда. Машғулотларда Ўзбекистон миллий ва олимпия терма жамоаларига чақирилган Жавоҳир Сидиқов ҳамда Ойбек Рустамовлар иштирок этишмаяпти.
Эслатиб ўтамиз “Навбаҳор” – “Қўқон-1912” жамоалари ўртасидаги “водий дерби”си , 10-июнь куни Наманган шаҳрида бўлиб ўтади.