13.06.2018
Кеча PEPSI Суперлига 15-тур ўйинларига якун ясалди. Янги форматда ўтказилаётган Ўзбекистон чемпионати баҳсларида энди танаффус эълон қилинди. Шу билан бирга 15 июнь кунидан эътиборан мамлакатимизда ёзги трансфер ойнаси ҳам очилади.
10 июнь куни Наманаганда “Навбаҳор”га қарши кечган ўйиндан кейин “Қўқон-1912” жамоаси аъзоларига 10 кунлик таътил берилди. 20 июнь куни Тошкент шаҳрига йиғиладиган футболчиларимиз ёзги йиғинни бошлашади. Танаффусдан унумли фойдаланган сербиялик легионерларимиз хордиқ чиқариш учун ўз юртларига жўнаб кетишди.
