15.06.2018

Бугун юртимизда яна улуғ байрам – Рамазон ҳайити байрамидир. Мустақил Ватанимиз учун бу йилги рамазон ҳар қачонгидан файзли, шукуҳли, баракотли бўлди. Юртимиз ўз истиқлолини қўлга киритган кунидан бошлаб, халқимизнинг кўп асрлик диний ва миллий қадриятларни эъзозлаб кўтаринки шукуҳ ҳар йил ўзгача тароват билан ўтказиб келмоқдалар. Юртимиз мусулмонлари диний байрам кунларни алоҳида эътибор билан ўтказиб келмоқда. Жумладан, Рамазон ҳайити ҳам ўзгача аҳамиятга эга бўлган улуғ кундир.

Президентимизнинг фармонлари билан бу некбин кунлар дам олиш кунлари, деб эълон қилинди. Ушбу файзиёб кунга етганимиз борки, беҳисоб шукроналар билан ғусул қилиб, ясаниб, хушбўйликлар суртиб, рўзамизни очганимиз белгиси сифатида ҳўл ё қуруқ мева тановул қилиб, байрамни нишонлаймиз. Ҳар бир хонадонда шодлик ҳукмронлик қилади. Бу йилги Рамазон ҳайитини ҳаммамиз учун Аллоҳ таолонинг ўзи муборак айлаб, Юртимиз учун, халқимиз учун, оилаларимиз учун хайрлик ва манфаатли айласин. Янада бизни хурсанд қиладиган ва барчамизга кўтаринки кайфият бахш этадиган кун бу ватанимиз истиқлолининг йигирма етти йиллигини фахру ифтихор билан нишонлаш арафасида шодиёналик билан қарши олмоқдамиз.

“Қўқон-1912” футбол клуби ҳам барча юртдошларимиз бугунги айём – Рамазон Ҳайити байрами билан самимий табриклайди.  Рамазон ҳайити барчамизга муборак бўлсин!