31.07.2018

PEPSI Суперлига 20-туридан ўрин олган учрашувларнинг бирида ва “Бунёдкор” ва “Қўқон-1912”  клублари Тошкентда тўқнаш келишади. Мазкур ўйинга оид статистик маълумотлар билан танишинг.

 

Ўзаро ўйинлар

Бу жамоалар бугунга қадар Ўзбекистон чемпионатида етти марта рўбару келишган.

Учршувларнинг олтитасида “Бунёдкор” ғалабага эришган. Битта учрашувда вакилларимиз рақибдан устун келишган. Ягона ғалаба биринчи даврада Қўқондаги ўйинга тўғри келади. Ўша баҳсда футболчиларимиз 1:0 ҳисобида зафар қучишган.

Тўплар нисбати – 18-4, “Қалдирғочлар” фойдасига.

Ҳакамлар

Пайшанба куни бўлиб ўтадиган “Бунёдкор” – “Қўқон-1912” учрашувини Темур Тўхтасинов бошчилигидаги ҳакамлар гуруҳи бошқариб борадиган бўлишди.

 

PEPSI Суперлига

20-тур

Бунёдкор – Қўқон-1912

Ҳакамлар: Темур Тўхтасинов, Анвар Маражабов, Зиёдулло Абдураҳмонов, Раҳим Каримов.

Назоратчи: Бахтиёр Тоғаев.

Комиссар: Бахтиёр Маметов.

 

Бошланиш вақтлари

Ушбу учрашув 2 август куни “Миллий” стадионида соат 21:00да бошланади. 1 август куни эса мазкур жамоаларнинг ўринбосарлари майдонга тушишади.