15.08.2018

Pepsi суперлига ўйинлари ҳал қилувчи паллага етиб келди. Яна бир турдан сўнг жамоалар икки гуруҳга бўлинадилар. “Қўқон-1912” жамоасида кучли олтиликка кириш учун сўнгги имконият бор. Навбатдаги тур учрашувида Фарғона вилоятининг икки жамоаси ўзаро куч синашадилар. Бу сафарги вилоят “дерби” си ҳар қачонгиданда муҳимлиги билан ажралиб туради. “Қўқон-1912” – “Нефтчи” ўйинининг натижаси нафақат иккала клуб учун , балки бутун чемпионат учун ҳам муҳим ҳисобланади.
“Қўқон-1912” жамоасининг мураббийлар штаби , ушбу учрашувга футболчиларни ҳар томонлама тайёр бўлишлари учун астойдил меҳнат қилишмоқда. Жамоамиз кучли олтиликка кириш учун охиригача курашадилар. “Пахтакор”га қарши бўлиб ўтган ўйиндан фарқли ўлароқ , Фарғонадаги учрашувда ҳужумчимиз Жасур Ҳакимов ҳам майдонга туша олади. Биргина йўқотиш бу Жавоҳир Сидиқов . Лекин сўнгги учрашувимизда кўрдикки майдонда Қувондиқ Рўзиев , Иқбол Маликжонов сингари футболчиларимиз Сидиқовни йўқлигини билинтирмасликка интилмоқдалар.
“Нефтчи” – “Қўқон-1912” учрашуви 17 август куни, соат 20-30 да Фарғонадаги “Истиқлол” стадионида старт олади.