18.10.2018

Эртага  жамоамиз PEPSI Суперлига 26-тур доирасида Жиззахда “Сўғдиёна” меҳмони бўлади. Анъанамизга содиқ қолган ҳолда навбатдаги рақиб билан бўлган ўйинлардаги статистик маълумотларга назар ташлаймиз.

 

 Ўзаро ўйинлар

Бу жамоалар Ўзбекистон чемпионати доирасида 24 марта ўзаро майдонга тушишган. Учрашувларнинг 11 тасида жиззахликлар ғалаба қозонишган. Саккизта ўйинда вакилларимизнинг қўли баланд келган. Бешта баҳсда ғолиб номи аниқланганман. Тўплар нисбати – 39-30, “Сўғдиёна” фойдасига.

Ўзаро ўйинларда “Сўғдиёна” 38 очкони қўлга киритган бўлса, “Қўқон-1912”нинг бу борадаги кўрсаткичи 29 очкони ташкил этади.

 

“Сўғдиёна” майдонида ўтган сўнгги 5 учрашув:

25.04.2018 «Сўғдиёна» – «Қўқон-1912» 1:1

19.11.2017 «Сўғдиёна» – «Қўқон-1912» 2:1

29.10.2016 «Сўғдиёна» – «Қўқон-1912» 1:1

26.06.2015 «Сўғдиёна» – «Қўқон-1912» 2:1

14.09.2002 «Сўғдиёна» – «Қўқон-1912» 1:0

 

Бошланиш вақтлари

Ушбу жамоалар ўртасидаги баҳс жума куни соат 18:00да бошланади.  Ўринбосарлар ўйини эса бугун соат 15:00да бошланиши режалаштирилган.