17.10.2018

Pepsi суперлиганинг навбатдаги турини сафарда “Сўғдиёна”га қарши ўтказадиган “Қўқон-1912” футболчилари Тошкент шаҳрида машғулотларни давом эттирмоқда.
Бугунги машғулотларни жамоамиз тўлиқ таркибда ўтказди. Ўзбекистон миллий терма жамоаси сафида ҳалқаро ўртоқлик ўйинларида майдонга тушган дарвозабон Ўткир Юсупов ҳамда Жавоҳир Сидиқовлар бугун жамоа ихтиёрига келиб қўшилишди ва машғулотларда иштирок этишди.
Жамоамиз эртага Жиззах шаҳрига йўл олади.
Эртага Жиззахдаги “Сўғдиёна” жамоаси қароргоҳида ўринбосарлар таркиблари учрашуви бўлиб ўтади. Бу учрашув соат 15-00да бошланиши белгилаб қўйилган.
Асосий таркиблар эса 19 октабрь куни соат 18-00да майдонга тушадилар.