23.10.2018

Бугунги учрашув ҳам “дерби”га хос тарзда шиддатли ҳужумлар билан бошланди. Олдинги ўйинларда муваффақиятсизликка учраган ўринбосарларимиз “кичик дерби”да ғалаба қозониш учун майдонга тушишганини исботлаш учун илк дақиқалардан олдинга ташланишди. 10-дақиқада вакилларимиз ҳисобни очишди. Иброҳим Ғофуров ўз имкониятни голга айлантирди. У рақиб посбонидан қайтган тўпни дарвозага аниқ йўллади. Голдан кейин ҳар икки жамоа футболчилари ҳужумкорликка зўр беришди. Дастлабки дақиқаларда ташкил этилган ҳужумларда Фирдавс Асадов анча фаол ҳаракат қилди. Бироқ унинг саъй-ҳаракатлари бесамар кетди. 24-дақиқада Ойбек Рустамовнинг кучли зарбаси бироз ноаниқ бўлди. 27-дақиқада меҳмонларнинг чиройли комбинацияси гол билан якунланди. Гол муаллифи – Миржалол Неъматов бўлди.
Биринчи бўлим якунланиши арафасида футболчиларимиз ҳисобда олдинга чиқиб олишлари мумкин эди. Бироқ жарима майдончаси ичида борган Дилшод Баратовнинг зарбаси кучсиз чиқди.
Тайм охирида жамоалар кетма-кет ҳужумларни ташкил этишларига қарамай, танаффусга қадар ҳисоб ўзгармади.
Фарғоналиклар иккинчи бўлимни фаол тарзда бошлашди. 47-дақиқада Хуршид Асқаралиев бирга-бир вазиятдан фойдалана олмади. 48-дақиқа футболчиларимизга омад келтирди. Фирдавс Асадовнинг зарбасини меҳмонлар посбони қайтарди. Қайтган тўпни эса Дилшод Баратов рақиб дарвозасига аниқ йўллаб жамоамизни олдинга олиб чиқди.
Гол ўтказиб юборгач, “Нефтчи” футболчилари бироз фаоллашишди. Лекин юзага келган имкониятлардан фойдалана олишмади.
67-дақиқада футболчиларимиз рақиб дарвозасига учинчи тўпни киритишди. Беҳруз Саъдиллоев жамоамизнинг узоқ давом этган комбинациясини гол билан якунлади. 77-дақиқада захирадан майдонга тушган Муҳсин Баратов ҳисобни ошириши мумкин эди. Аммо у қулай имкониятни қўлдан бой берди. 82-дақиқада Достон Мелиқўзиевда рақиб дарвозасини ишғол этиш учун яхши имконият юзага келганди. Аммо ёш футболчимиз ушбу вазиятдан самарали фойдалана олмади.
Шу тариқа, “кичик дерби”да вакилларимиз ишончли ғалабани қўлга киритишди.

Ёшлар лигаси
27-тур
“Қўқон-1912” – “Нефтчи” – 3:1 (1:1)
Ҳакамлар: Ш. Насибуллаев, Ш. Аъзамов, А. Исоқов, Ш. Врҳобжонов.
Назоратчи: И. Нехочин.
Голлар: Иброҳим Ғофуров – 10, Дилшод Баратов – 48, 23. Бехруз Саъдиллоев – 67. – Миржалол Неъматов – 27.
“Қўқон-1912”: 71. Сарвар Каримов, 8. Иброҳим Ғофуров, 10. Иброҳим Мухторов, 14. Ойбек Рустамов, 17. Дилшод Баратов, 18. Достон Мелиқўзиев, 23. Бехруз Саъдиллоев, 26. Исмоил Толипов, 70. Фирдавс Асадов, 96. Аюбхон Абдураҳимов, 97. Дониёр Тўлашев.
Захира: 12. Муҳаммадали Собиров, 4. Шукур Мўминов, 9. Рамз Исақов, 11. Мубошир Қосимов, 25. Абдуллоҳ Миркомилов, 85. Муҳсин Баратов, 98. Савелий Абрамов.
“Нефтчи”: 80. Шуҳратилло Раҳмонов, 4. Жамшид Қобулов, 6. Достон Рашидов, 8. Илҳом Ваҳобов, 9. Шаҳзод Усмонов, 10. Хуршид Асқаралиев, 11. Эламон Каримов, 22. Аброр Исмоилов, 23. Абдужалил Маназаров, 26. Бобур Исроилов, 32. Миржалол Неъматов.
Захира: 21. Фаррух Турдалиев, 3. Шоҳжаҳон Рўзиматов, 5. Дониёр Мадаминов, 7. Нодир Тўланов, 15. Ибод Абелфазов, 18. Дониёр Одилов, 20. Илҳом Ибрагимов.