23.11.2018
25 ноябрь куни Қўқондаги “Марказий” ўйингоҳида PEPSI Суперлига 31-тур доирасидаги “Қўқон-1912” – “Сўғдиёна” учрашуви бўлиб ўтади. Анъанамизга содиқ қолган ҳолда навбатдаги рақиб билан бўлган ўйинлардаги статистик маълумотларга назар ташлаймиз.
Ўзаро ўйинлар
Бу жамоалар Ўзбекистон чемпионати доирасида 25 марта ўзаро майдонга тушишган. Учрашувларнинг 12 тасида жиззахликлар ғалаба қозонишган. Саккизта ўйинда қўқонликлар қўли баланд келган. Бешта баҳсда ғолиб номи аниқланганман. Тўплар нисбати – 40-30, “Сўғдиёна” фойдасига.
Ўзаро ўйинларда “Сўғдиёна” 41 очкони қўлга киритган бўлса, “Қўқон-1912”нинг бу борадаги кўрсаткичи 29 очкони ташкил этади.
Қўқонда бўлиб ўтган учрашувлар:
29.07.2018
Қўқон-1912 – Сўғдиёна – 2:1
20.06.2017
Қўқон-1912 – Сўғдиёна – 3:2
16.06.2016
Қўқон-1912 – Сўғдиёна – 1:2
05.11.2015
Қўқон-1912 – Сўғдиёна – 1:3
11.05.2002
Қўқон -1912 – Сўғдиёна – 1:0
12.09.2000
Темирйўлчи – Сўғдиёна – 3:1
30.04.1999
Темирйўлчи – Сўғдиёна – 2:1
21.06.1998
Темирйўлчи – Сўғдиёна – 4:2
31.05.1995
Темирйўлчи – Сўғдиёна – 1:0
27.04.1994
Темирйўлчи – Сўғдиёна – 2:2
02.05.1993
Темирйўлчи – Сўғдиёна – 0:0
27.05.1992
Темирйўлчи – Сўғдиёна – 1:0
Факт: Қўқонда бўлиб ўтган учрашувларнинг саккизтасида мезбонларнинг қўли баланд келган. Икки марта дуранг натижаси қайд этилган.
Мавсумдаги тўртинчи ўйин
Якшанба куни бўлиб ўтадиган баҳс жамоаларнинг жорий мавсумдаги тўртинчи ўйинчи бўлади. Мавсумдаги олдинги учта учрашувда уч хил натижа қайд этилган. Битта баҳсда футболчиларимиз ғалаба қозонишган. Битта ўйин дуранг билан ниҳоясига етган. Битта ўйинда эса рақибимиз ғалаба қозонган.
Бошланиш вақтлари
Ушбу жамоалар ўртасидаги баҳс якшанба куни соат 15:00да бошланади. Ўринбосарлар ўйини эса эртага бўлиб ўтади. Ўйин соат 14:00да старт олади. Ҳар икки баҳс ҳам “Марказий”да ўтказилади.
