23.02.2019

Хабарингиз бор Суперлига клублари футболчиларининг жисмоний ҳолати Ўзбекистон Футбол Ассоциацияси томонидан тасдиқланган тест-синовлари орқали назорат қилиб боришади.

Шуни таъкидлаш керакки, бу каби тест-синовлари ўтган мавсумдан бошлаб ўзбек футболида илк марта амалга тадбиқ этилганди. Бу йил ҳам Суперлига жамоалари янги масум олдидан ушбу нормативларни тоширишмоқда.
Кеча Тошкент шаҳридаги “Бунёдкор” академиясига қарашли майдонда “Қўқон-1912” жамоаси футболчилари нормативлар топширишди. Техник ривожлантириш бошқармаси илмий-методик бўлими раҳбари Шамил Исеев бошчилигидаги вакиллари томонидан жамоамиз футболчилари синовдан ўтишди. Футболчилар 30 метрга югуриш, узунликга сакраш, 7х50 метрга югуриш, “Yо-Yо” тест синовлари бўйича нормативлар топширишди.
Бугун “Қўқон-1912” жамоаси “Бухоро” жамоаси билан ўртоқлик учрашувини ўтказади. Бу ўйин “Чиғатой”даги стадионда, соат 10:00да бошланади.