09.07.2019

Ўзбекистонда илк марта ташкил қилинган лига кубоги турнирининг гуруҳ босқич ўйинлари ўз якунига етди. Тўртта гуруҳдан иккитадан жамоа чорак финалга йўлланмани қўлга киритди. Мухлисларимизда ўз-ўзидан савол туғилмоқда.
“Қўқон-1912” жамоаси энди лига кубогида ким билан ўйнайди ?
Префессионал футбол лигаси ишлаб чиққан низомга кўра чорак финал жуфтликлари қуръа ташлаш асносида аниқланади. Қуръа ташлаш жараёнида гуруҳларда 1-ўринни олган жамоалар ўзаро рақиб бўлмасликлари эътиборга олинади. Бундан келиб чиқиб айтишимиз мумкинки, “В” гуруҳида ғолиб бўлган “Қўқон-1912” жамоаси , ўз гуруҳларида 2-ўринни олган “Динамо”, “Пахтакор”, “Металлург” ҳамда “Насаф” жамоаларидан бири билан чорак финалда тўқнаш келиши мумкин. Чорак финал ва ярим финал учрашувлари битта ўйиндан иборат бўлади. Мезбон жамоа эса қуръа натижасида аниқланади.
Лига кубогининг кейинги босқичларига қуръа ташлаш маросими қачон бўлишини яқин кунларда ПФЛ эълон қилади