17.11.2019

Тошкентдаги “Бунёдкор”  академиясига қарашли спорт залида , про лига жамоалари ўртасидаги  футзал бўйича Ўзбекистон биринчилигининг 2 тур ўйинлари якунига етди.

“Қўқон-1912” футзалчилар ушбу турни муваффақиятли якунлашди. Вакилларимиз учта баҳсда майдонга тушиб, учта ғалабага эришишди.

Дастлабки кунги учрашувда “Қўқон-1912”  футзалчилари Навоийнинг “Строител-Зарафшон”  футзалчиларига қарши майдонга чиқишди. Қизиқарли ва шиддатли ўтган баҳсда футзалчиларимиз 3-2 ҳисобида ғалаба қозонишди.

Иккинчи куни «Қўқон-1912» футзалчилари Термизнинг «Сурхон» жамоаси футзалчиларига қарши тўп суришди. Голларга бой ўтган ўйинда футзалчиларимиз  6-4 ҳисобида ғалаба қозонишди.

Учинчи кунги беллашувда эса вакилларимиз “Хоразм” жамоаси футзалчиларига қарши майдонга тушиб  7-3 ҳисобида ғалаба қозонишди. Шундай қилиб футзалчиларимиз 2 тур баҳсларини 100 фоизлик натижа билан якунлаб,турнир жадвалида карвонбоши бўлиб туршибди.

2-турдан кейин футзалчиларимиз ҳисобида 13 очко бор.