29.12.2019

Ҳаш-паш дегунча 2019 йилни кузатиб , 2020 йилни кутиб олишимизга ҳам саноқли кунлар қолди. Барчамизга маълумки, янги йил байрами оилавий нишонланадиган байрам ҳисобланади.

“Қўқон-1912” футболчиларига янги йил байрамини оила даврасида кутиб олиш учун таътил берилди. Осиё чемпиони , “мард ўғлон” ордени соҳиби Ойбек Рустамов эса Ўзбекистон олимпия терма жамоаси билан Таиландда бўлиб ўтадига Осиё чемпионатига тайёргарлик кўрмоқда. Рустамов янги йилни терма жамоадаги шериклари билан БААнинг Дубай шаҳрида кутиб олади.
Бахтиёр Ашурматов шогирдлари навбатдаги йиғинга 2020 йилнинг 4-январь кунидан тўпланишади. Навбатдаги машғулотлар Тошкент шаҳрида олиб борилади. Янги йилдан кейинги ўқув-йиғин машғулотларида мураббийлар штаби кўплаб янги футболчиларни ҳам кўрикдан ўтказишни режа қилишган.