14.01.2020

Бугун 14 январь – “Ватан ҳимоячилари куни”. Ушбу кунини мамлакатимизда ҳар йили катта тантана билан нишонлаш ўзига хос анъанага айланган. Барчамизнинг бугунгидек тинч, хотиржам ҳаётимиз, тараққиётимиз барқарорлигига камарбаста бўлаётган ўғлонларимизни ҳар қанча эъзозласак, кўкка кўтарсак, арзийди.

Шу муносабат билан “Қўқон-1912” клуби раҳбарияти, мураббийлар штаби, футболчилар номидан мамлакатимиз ижтимоий ҳаётидаги қутлуғ сана – Ватан ҳимоячилари куни ва Ўзбекистон Республикаси Қуролли Кучлари ташкил этилганлигининг 28 йиллиги билан самимий муборакбод этамиз.

Албатта, юртимизда байрамлар, тарихий саналар жуда кўп. Аммо юрт тинчлиги, осмонимиз мусаффолиги, давлатимиз чегараларининг дахлсизлигини таъминловчи қудратли куч – Ватан ҳимоячилари куни байрамининг алоҳида қадр-қиммати, аҳамияти, ўрни ва нуфузи бор.