18.01.2020

Аввал айтиб ўтганимиздек, мураббийлар штаби селекция ишларини жадаллик билан олиб боришмоқда. Жамоамиз сафига яна бир янги футболчи келиб қўшилди. Ўтган мавсумни “Динамо” клубида ўтказган Ўзбекистон миллий терма жамоасига номзод дарвозабон Ботирали Эргашев 2020 йилги мавсумни “Қўқон-1912” жамоасида ўтказадиган бўлди.

“Динамо” клуби томонидан ушбу дарвозабон бир йиллик ижара асосида “Қўқон-1912” жамоасига берилди.
Осиё чемпиони ҳисобланган 24 ёшли дарвозабоннинг трансфер ҳуқуқи “Динамо” клубида қолади.
Ботирали Эргашев 2019 йилги футбол мавсумида «Динамо» сафида 22 та учрашув ўтказган. Бу учрашувлар мобайнида дарвозабон 55 марта «сейв» амалга ошириб, суперлига дарвозабонлари ўртасида энг юқори натижага эришган эди.