11.02.2020

Хабарингиз бор суперлига клублари футболчиларининг жисмоний ҳолати Ўзбекистон Футбол Ассоциацияси томонидан тасдиқланган тест-синовлари орқали назорат қилиб борилади.

Янги мавсумга тайёргарликнинг сўнгги босқичини Тошкент шаҳрида олиб бораётган “Қўқон-1912” жамоаси футболчилари бугун ЎФА мутахассислари томонидан ўтказилган тест синовларида иштирок этишди. Бундай синовларни ҳар йили янги мавсум олдидан тошириш суперлига клубларига мажбурий қилиб белгилаб қўйилган.
Бугун куннинг биринчи ярмида “Бунёдкор” академияси стадионида “Қўқон-1912” жамоаси футболчилари норматив тестларни топширишди. Техник ривожлантириш бошқармаси илмий-методик бўлимининг раҳбари Шамил Исеев ҳамда бўлими мутахассиси Александр Кит томонидан жамоамиз футболчилари синовдан ўтказилди. Футболчилар 30 метрга югуриш, узунликга сакраш, 7х50 метрга югуриш, “Yо-Yо” тест синовлари бўйича нормативлар топширишди.