09.09.2020

“Қўқон-1912” жамоаси бугун Тошкентдаги “Тўқимачи” стадионида ўз машғулотларини ўтказдилар. Бахтиёр Ашурматов бошчилигидаги мураббийлар штаби футболчиларга жудаям қизиқарли машғулотларни тайёрлаб қўйишган экан. Машғулотлар бошидан охиригача юқори кайфиятда бўлиб ўтди. Футболчилар асосан тўп билан шуғулланишди. Турли конкурслар тарзида ўтган машғулотларда барча футболчилар астойдил тер тўкишди. Мураббийлар штаби жамоа аъзоларини бир оила каби аҳил бўлишларига алоҳида урғу қаратишмоқда. Футбол жамоавий ўйин, футболчилар майдонда аҳил бўлиб бир мақсад йўлида бирлашмасалар кўзланган манзилга бориш мушкул.