23.12.2020

Бугун “Қўқон-1912” жамоасининг “юраги”, жамоамиз сардори, ўзбек футболида ўз ўрнига эга бўлган футболчи, Муроджон Холмуҳаммедовнинг туғилган кунлари. Муроджон бугун 30 ёшни қарши олдилар.

“Қўқон-1912” жамоасининг сўнгги йиллардаги кўплаб ютуқларини Мурод Холмуҳаммедов номи билан боғлаш мумкин. Чунки сардоримиз майдонда ҳам майдон ташқарисида ҳам жамоадошларига ҳақиқий ўрнак бўладиган, футболчиларни бир мақсад йўлида олға бошлашди бош мураббийга энг яқин ёрдамчи ҳисобланади. Холмуҳаммедов ўзининг чиройли , бетакрор ўйинлари ҳамда голлари билан аллақачон Қўқонлик футбол мухлисларининг қалбларидан чуқур жой эгаллаган. Мана бир неча йилдирки Мурод Холмуҳаммедов бошқа клублардан бўладиган таклифларни рад этиб , “Қўқон-1912” жамоасига содиқлигини кўрсатиб келмоқда. Якунига етган мавсумда Муроджон рақиблар дарвозасини 12 марта ишғол қилиб суперлига тўпурарлар пойгасида 3-ўринни қўлга киритди. Ҳимоя чизиғи вакили учун бу натижа анчагина салмоқли эканлигини барча футбол мухлислари яхши биладилар. Холмуҳаммедов ҳақида қанча гапирсак , ёзсак камлик қилади. Мурод Холмуҳаммедов номи Қўқон футболи тарихига зарҳал ҳарфлар билан аллақачон битилди десак муболаға бўлмайди.
“Қўқон-1912” жамоаси раҳбарияти, мураббийлар штаби, футболчилар ҳамда сиз азиз футбол мухлислари номидан Мурод Холмуҳаммедовни бугунги таваллуд айёми билан чин юракдан табриклаймиз ! Муроджонга узоқ умр, мустаҳкам соғлик ҳамда келгуси фаолиятида улкан зафарлар тилаймиз !
Туғилган кунингиз муборак бўлсин Муроджон !!!
ТУҒИЛГАН КУНИНГИЗ МУБОРАК БЎЛСИН МАЭСТРО !!!